من زمان بس مش زمان اوى

اول امبارح

جالى الشغل واحد صاحبى

مشفتهوش من زمان

قعد معايا وقعدنا

نحكى ونفتكر

ايام زمان وصحاب زمان

ايام الكلية

الشقاوة

المحاضرات اللى عمرنا ما حضرناها

الكتب اللى عمرنا ما اشتريناها

مش بخل بس قلة مذاكرة

الصحاب اللى اكتشفت انهم عمرهم ما غابوا عن بالى

اجمل ذكريات

الكلية......العجمى فى الصيف

واتكلمنا كتيير

عن بكر ومحمود واحمد ومحمد وكريم و اشرف

و اسامة وعمر

بس بعد ما مشى

لاحظت حاجة غريبة اوى

الكلام دة مش من زمان اوى

مش من زمان خالص

الحكاية كلها كام سنة

اتنين

تلاتة

اربعة

المهم

قلت بينى وبين نفسى خليها من زمان بس مش من زمان اوىِ

صديقي الحبيب

نعم احبك

رغم ما كان من اختلافات

و مشاحنات

احبك

واعجب لماذا غبت او غيبت

كنت اسمع كلماتك فهى الماء البارد في حر الصيف

والدفء فى برد الشتاء

وهى الطلقات قات فى وجه الاعداء

والنصائح الغاليات

رغم قسوتها احيانا

كنت ارى ابداعاتك

وافكارك

واسمع ارائك

واشعر بنبضك

قد اكون جفيتك حقك

لم احدثك بمشاعرى

لم اعبر عن اعجابى

ولكن هكذا نحن

او انا

لا نشعر بالنعم الا بعد زوالها

صديقى الحبيب

اشتقت اليك

الى حديثك

الى خطبك

الى افكارك

الى حماسك

الى روحك المتوقدة

اخى الكريم

انتظرك وانتظر ردك

والسلام عليكم ورحمة الله

اول خطوة

بسم الله الرحمن الرحيم




في البداية

دي مش اول مدوناتى

كنت بدون كتير قبل كده

بنفس الاسم بس على مواقع تانية

بس كل مرة كنت بزهأ

مش عارف ليه

بس انا بقالى كتيييييييييييير بتصفح المدونات هنا وحاسس انى معاكم حستمر

ان شاء الله

هه يااااااااااااااااااااامسهل