اول امبارح
جالى الشغل واحد صاحبى
مشفتهوش من زمان
قعد معايا وقعدنا
نحكى ونفتكر
ايام زمان وصحاب زمان
ايام الكلية
الشقاوة
المحاضرات اللى عمرنا ما حضرناها
الكتب اللى عمرنا ما اشتريناها
مش بخل بس قلة مذاكرة
الصحاب اللى اكتشفت انهم عمرهم ما غابوا عن بالى
اجمل ذكريات
الكلية......العجمى فى الصيف
واتكلمنا كتيير
عن بكر ومحمود واحمد ومحمد وكريم و اشرف
و اسامة وعمر
بس بعد ما مشى
لاحظت حاجة غريبة اوى
الكلام دة مش من زمان اوى
مش من زمان خالص
الحكاية كلها كام سنة
اتنين
تلاتة
اربعة
المهم
قلت بينى وبين نفسى خليها من زمان بس مش من زمان اوىِ
هناك تعليقان (2):
عن نفسى حاسة من يوم ما اتخرجت إنى كبرت عشر سنين كده
حضرتك مكنتش بتحضر محاضرات ولا بتشترى كتب هو حضرتك كلية ايه بالضبظ ؟؟؟؟؟؟؟؟؟؟؟ صحبة رااائعة فعلا :)
ربنا يديم الود إن شاء الله ويجمعكم دوما فى طاعته
جزاك الله خيراً
كلية تجارة جامعة الاسكندرية
إرسال تعليق